א  שִׁיר, לַמַּעֲלוֹת:  
             
אֶשּׂא עֵינַי, אֶל-הֶהָרִים - מֵאַיִן, יָבֹא עֶזְרִי.

ב  עֶזְרִי, מֵעִם יְהוָה - עֹשֵׂה, שָׁמַיִם וָאָרֶץ.

ג  אַל-יִתֵּן לַמּוֹט רַגְלֶךָ; אַל-יָנוּם, שֹׁמְרֶךָ.

ד  הִנֵּה לֹא-יָנוּם, וְלֹא יִישָׁן - שׁוֹמֵר, יִשְׂרָאֵל.

ה  יְהוָה שֹׁמְרֶךָ;    יְהוָה צִלְּךָ, עַל-יַד יְמִינֶךָ.

ו  יוֹמָם, הַשּׁמֶשׁ לֹא-יַכֶּכָּה;    וְיָרֵחַ בַּלָּיְלָה.

ז  יְהוָה, יִשְׁמָרְךָ מִכָּל-רָע:    יִשְׁמֹר, אֶת-נַפְשֶׁךָ.

ח  יְהוָה, יִשְׁמָר-צֵאתְךָ וּבוֹאֶךָ - מֵעַתָּה, וְעַד-עוֹלָם.

**ללא צנזורה חדשות ישראל:**
[https://t.me/News_il_h](https://t.me/News_il_h)
**לקבוצת הוואטסאפ לעדכונים חריגים:**
[https://chat.whatsapp.com/FWi6J53GyHh9N2CYqwP0Wi](https://chat.whatsapp.com/FWi6J53GyHh9N2CYqwP0Wi)