**Джон Коўл будзе займацца вызваленьнем і расейскіх палітвязьняў**

Пра гэта спэцыяльны пасланьнік прэзыдэнта ЗША па Беларусі Джон Коўл заявіў у эфіры незалежнага расейскага тэлеканала [«Дождь»](https://tvrain.tv/news/ssha-nachinajut-rabotat-po-teme-rossijskih-politzakljuchennyh-gotovy-spiski-predstavitel-trampa-po-belarusi-576334).


> «Так, цяпер мы пачынаем працаваць над тэмай расейскіх зьняволеных. І, дарэчы, над пытаньнем украінскіх палонных таксама. У абедзьвюх краінах ёсьць цывільныя асобы, якія знаходзяцца ў палоне, і цяпер мы рыхтуем пэўныя прапановы», — сказаў ён.


Паводле Коўла, сьпісы палітычных зьняволеных у яго «ёсьць», але пакуль ён ня будзе іх агучваць.


> «Я хацеў бы займацца гэтым пытаньнем больш шчыльна і, у прынцыпе, зьбіраюся гэта рабіць. Я лічу, што надзея ёсьць», — сказаў Коўл.