**Франак Вячорка, дарадца Сьвятланы Ціханоўскай, у **[эфіры Свабоды](https://www.youtube.com/live/7IBv3afltg4?si=l2wkhF4MrgA_XxIY)**:**

«Джон Коўл зрабіў, як звычайна, выдатную працу. Ня тая лічба, якая анансавалася, але, я думаю, гэта яшчэ не канец. Сам Джон Коўл тлумачыў, што ёсьць пэўныя ўмовы з боку Менску, каб вызваліць людзей. І ў бліжэйшыя дні, тыдні стане ясна больш. Магчыма, гэта зьвязана з умовамі Лукашэнкі пра разблякоўку фінансавых сродкаў, актываў. Можа быць зьвязана зь некаторымі санкцыйнымі прадпрыемствамі. Ясна, што Лукашэнка заўжды хоча пакінуць за сабой апошняе слова — памяняць сьпісы, ня даць, што абяцаў. 

Амэрыканская дэлегацыя ехала з пэўнымі чаканьнямі і дамоўленасьцямі. Гэты працэс працягнецца. Працягваем быць на сувязі з амэрыканцамі. Яны робяць гэта для нас. Яны вызваляюць нашых людзей. Тое, што гэта стала прыярытэтам амэрыканскай адміністрацыі — заслуга і праваабаронцаў, і журналістаў, і дэмакратычных сілаў».