**Зьбіты ў Літве дрон быў з выбухоўкай**

У дроне, зьбітым уначы над Літвой, выявілі выбухоўку. Сапёры яе абясшкодзілі, [паведаміў](https://www.facebook.com/robertas.kaunas/posts/pfbid0qnbdD8YuSXAXD9YAvAfDrY37XEJcKWg3bzQCczFAPzSgVz9qCQRQD5V4w9FVnVTtl) міністар аховы краю **Робэртас Каўнас** у Фэйсбуку.

> «Будуць праведзеныя дадатковыя дасьледаваньні, паспрабуюць, наколькі гэта магчыма, вызначыць маршрут дрона, і тады можна будзе ацаніць, ці быў гэта расейскі дрон і магчымая правакацыя, ці дрон іншай краіны, скажам, абарончага прызначэньня. Пакуль не сьпяшаймася з высновамі», — цытуе міністра LRT.


Старшыня Эўрапейскай камісіі **Урзуля фон дэр Ляен **заявіла пра ўзмацненьне ціску на Расею.

> «Расея ўбачыць, што наша рашучасьць толькі мацнее.
> Разам з NATO мы ўзмацняем калектыўнае стрымліваньне і абарону. І ўзмацняем ціск на Расею», — напісала яна.