[#حکیم_فضولی‌دن](/search?q=%23%D8%AD%DA%A9%DB%8C%D9%85_%D9%81%D8%B6%D9%88%D9%84%DB%8C%E2%80%8C%D8%AF%D9%86) بیر بئیت 

**اگرچه ایگنه تک گئچدیم جهانین هر نه واریندان

هنوز آردیمجادور قیدِ تعلق زولف تاریندان**



> (دونیادا هر نه وارسا، ایگنه کیمی کئچیب گئتدیم؛
هله ده آرخامجا زولفونون تئلیندن دونیایا باغلی‌لیق زنجیری گلیر)




ایگنه بیر شئیی دلیب گئچر؛ اما ایگنه‌یه ساپلانان ایپ ، پارچه نن اولان باغلی‌لیغی داوام ائتدیرر. ایگنه کیمی دونیادان گئچدیم؛ اما هله ده او زولفون تئلیندن قورتولا بیلمه‌دیم؛ (یانی کثرت‌دن قورتولا بیلمه‌دیم. هله کثرتده‌کی گؤزللر منی باغلاییر — دئمک ایسته‌ییر. ایگنه، ایپسیز بیر ایشه ده‌یمز .)
ایگنه‌یه ایپ لازیم‌دیر؛ ایپ دایما ایگنه‌نی تعقیب ائدیر . اینسانا حقیقته  یئتیشمک اوچون کثرت علاقه‌سی لازیم‌دیر . ایگنه وظیفه‌سینی انجام وئریر و  او زمان ایپ‌دن و پارچادان قورتولور.

ایگنه ایله جهاندان گئچمک، سؤزو _ صحبتی  آرایا گلنده ، اورتایا حضرتِ عیسی علیه السلام  اشاره‌سی چیخیر. چونکی حضرتِ عیسانین دؤردونجو گؤیده اوستوندن  بیر ایگنه تاپیلیر. بو ایگنه دونیایا باغلی بیر شئی‌دیر دئیه ، اونلاری دؤردونجو گؤیده، یعنی «فلکِ شمس»ده ساخلاییرلار؛ داها  یوخارییا چیخماسینا مانع اولورلار.
`
خولاصه:
بو متن‌ده کثرت علاقه‌سی — اینسانین دونیایا، مادی وارلیقلارا، گؤزللره و اؤزونون دونیوی تعلقلرینه باغلی‌لیغی‌دیر. اینسان بونلاردان تام آزاد اولمادان حقیقته (وحدته) چاتا بیلمز. آنجاق بو علاقه‌لر ده اینسانی حقیقته چاتدیران واسیطه‌لردیر؛ اونلارسیز دا اوجالماق اولماز`

احنراملا  : رامین بخشی کانالی 


[#رامین_بخشی](/search?q=%23%D8%B1%D8%A7%D9%85%DB%8C%D9%86_%D8%A8%D8%AE%D8%B4%DB%8C) [#غزل](/search?q=%23%D8%BA%D8%B2%D9%84) [#فضولى](/search?q=%23%D9%81%D8%B6%D9%88%D9%84%D9%89) [#آچیقلاما](/search?q=%23%D8%A2%DA%86%DB%8C%D9%82%D9%84%D8%A7%D9%85%D8%A7) [#شرح](/search?q=%23%D8%B4%D8%B1%D8%AD)