كل منصة تدفع بطريقة مختلفة فيه شي لو فهمته، بيوفّر عليك سنوات من التعب بلا فايدة، إن كل منصة تواصل له

كل منصة تدفع بطريقة مختلفة

فيه شي لو فهمته، بيوفّر عليك سنوات من التعب بلا فايدة، إن كل منصة تواصل لها نموذج دخل مختلف عن الثانية

أغلب الناس تنشر في كل المنصات بنفس الأسلوب، وتنتظر دخل، وما يجيها شي، والسبب إنها ما فهمت نموذج الربح في كل وحدة

خل أعطيك خريطة سريعة، فيه منصات تدفع لك مباشرة من محتواك، زي أكس اللي يعطيك نصيب من أرباح الإعلانات، ويوتيوب عبر أدسنس لو عندك تخصص واضح، هذي تحتاج محتوى قوي ومستمر

وفيه منصات تربح فيها من العلاقات والثقة، مو من المشاهدات

زي إنستقرام وتيليجرام، اللي ربحهم من التعاونات والإعلانات وتقديم الخدمات

وتيك توك اللي عنده أبواب كثيرة، من ربط الشركات بالمبدعين، للتحديات المدفوعة، لتيك توك شوب

وفيه منصات زي سناب، ربحها يجي بعد ما تبني عدد كبير من المتابعين، فالمهم فيها إنك تبني أرقامك من الحين

والقاعدة الذهبية اللي تعلّمتها، لا تعتمد على مصدر دخل واحد
نوّع، عشان لو ضعفت منصة، تعوّضها الثانية

هذي أول حلقة في سلسلة كاملة عن الدخل من المنصات 🤍
🔻