«Адзін зь лягераў у Польшчы лічыць наіўнасьцю думку, што, паслабляючы эканамічныя санкцыі, мы адцягнем Лукашэнку ад Пуціна.
Але ёсьць іншыя ўплывовыя асяродзьдзі, якія зыходзяць з таго, што трэба размаўляць з той уладай, якая ёсьць. І лепш такі беларускі рэжым, чым Беларуская Рэспубліка Расейскай Фэдэрацыі»
Барташ Ціхоцкі быў адным з удзельнікаў папярэдняга палітычнага пацяпленьня ў адносінах Польшчы і Беларусі, якое скончылася ў 2020 годзе. Цяпер былы віцэ-міністар замежных справаў лічыць, што Варшава тады зрабіла памылковыя высновы.