Новая стратэгія NATO паказвае, што ў выпадку вайны з Расеяй цэлямі ўдараў могуць стаць і вайсковыя аб’екты на тэрыторыі Беларусі. Нягледзячы на міралюбную рыторыку Лукашэнкі, ягоны вайсковы хаўрус з Масквой стварае для краіны ўсё большыя рызыкі.
«З ростам ваенна-палітычнага напружаньня ва Ўсходняй Эўропе суб’ектнасьць Беларусі як самастойнага геапалітычнага гульца зьмяншаецца. Яна разглядаецца як адзінае цэлае з Расеяй. А Лукашэнка, разважаючы пра «нашую агульную Айчыну ад Берасьця да Ўладзівастоку», толькі ўмацоўвае такія ўяўленьні», — піша Валер Карбалевіч.