У Ізраілі пасьля цяжкай хваробы, выкліканай анкалёгіяй, памёр шматгадовы душпастыр грэка-каталіцкіх супольнасьцяў у Берасьці і на Берасьцейшчыне айцец Ігар Кандрацьеў.
«Памёр ён на Сьвятой Зямлі, 26 жніўня 2026 гаду, дзе жыў апошнія гады, змагаючыся зь цяжкай хваробай. Свой зямны шлях скончыў, маючы 67 гадоў», — паведамілі ў суполцы Каталікі Беларусі.
Ігар Кандрацьеў нарадзіўся 5 сакавіка 1959 году ў Сібіру, пад Краснаярскам. Паходзіў з праваслаўна-каталіцкай сям’і рэпрэсаваных.
Прыехаўшы з Расеі, сьвятар хутка вывучыў беларускую мову. З 1996 году ўзначальваў рэдакцыю грэка-каталіцкай газэты «Царква». Спрычыніўся да стварэньня ўніяцкіх парафіяў і асяродкаў у Берасьці, Івацэвічах, Баранавічах, Пінску, Слоніме і Астраўцы.
Грэка-каталіцкую парафію ў Берасьці, дзе шмат гадоў служыў Ігар Кандрацьеў, закрылі ўлады.