Пра свой спадзеў на прагрэс у вырашэньні праблем з дакумэнтамі для беларускіх уцекачоў заявіла на прэсавай канфэрэнцыі ў Страсбургу прэзыдэнтка Кангрэсу мясцовых і рэгіянальных уладаў Рады Эўропы Ґун Марыт Гэльґесэн.
«Я ведаю, што сытуацыя вельмі складаная — напрыклад, калі людзі страчваюць пашпарты ці пасьведчаньні асобы. У сучасным сьвеце, дзе тэхналёгіі адыгрываюць вялікую ролю, без такіх дакумэнтаў жыць вельмі цяжка. Мы добра ўсведамляем гэта і ставімся да праблемы вельмі сур’ёзна. Мы робім усё, што ў нашых сілах, і спадзяемся на прагрэс», сказала яна.