«У фільме я бачу маладога адваката Дзьмітрыя Лаеўскага, які бароніць мяне ў 2011-м, а цяпер сам знаходзіцца за кратамі – яму прысудзілі 3 гады зьняволеньня… Перасьлед праваабаронцаў, адвакатаў, грамадзкіх актывістаў працягваецца».
У Варшаве паказалі дакумэнтальны фільм «Бяляцкі / Нязломны» – пра кіраўніка «Вясны» і ляўрэата Нобэлеўскай прэміі міру 2022 году праваабаронцу Алеся Бяляцкага. Ён адказаў на пытаньні гледачоў і паабяцаў праз год выдаць новую кнігу.