Прэзыдэнт Расеі Ўладзімір Пуцін прыняў Аляксандра Лукашэнку ў сваёй загараднай рэзыдэнцыі ў Нова-Агарова на захад ад Масквы. Ён сказаў, што вельмі рады новай сустрэчы.
«Здаецца, ня так даўно і бачыліся, але, як я заўсёды кажу ў такіх выпадках, дынаміка нашых адносінаў такая, што ўвесь час зьяўляюцца ўсё новыя і новыя моманты, на якія трэба зьвярнуць увагу, якія трэба ўзгадніць, урэгуляваць».
Лукашэнка ў сваю чаргу сказаў, што «практычна пытаньняў няма, урад добра працуе». І адзначыў, што адной з прычын для сустрэчы стала «дынаміка міжнародных адносінаў».
❕Але палітычных аглядальнік Валер Карбалевіч лічыць, што за вонкавай шараговасьцю візыту могуць хавацца сур’ёзныя праблемы, зьвязаныя з вайной ва Ўкраіне.