У Менскім гарадзкім судзе 9 верасьня вынесьлі прысуд аднаму з найвядомейшых адвакатаў Беларусі.
Дзьмітрыя Лаеўскага асудзілі на тры гады пазбаўленьня волі, паведаміла «Вясна».
У віну Лаўескаму ставілі «садзейнічаньне экстрэмісцкай дзейнасьці» і «дыскрэдытацыю Рэспублікі Беларусь».
Падставай сталі ягоныя інтэрвію.
«Нават разумеючы, што ў нас у краіне прававы дэфолт і што гэта далёка ня першы прысуд сумленным людзям, усё адно не магу паверыць, што гэта здарылася зь Дзімам. Яго асудзілі проста за выкананьне свайго прафэсійнага абавязку — за строгае захаваньне адвакатскай і чалавечай этыкі», — напісаў у фэйсбуку Віктар Бабарыка.