Паездка Анджэя Пачобута ў Беларусь — палітычны экспэрымэнт, які ён праводзіць на самім сабе. Былы палітзьняволены намацвае межы магчымага, спрабуе пашырыць рамкі дазволенага ва ўмовах цяперашняга палітычнага рэжыму. Гэта тэст на выяўленьне ступені жорсткасьці сыстэмы.
«Пачобут карыстаецца міжнароднай ўвагай да сябе, каб пашырыць прастору свабоды для жыхароў Беларусі. Рэжым Лукашэнкі можа выкарыстоўваць гэтую сытуацыю, каб прадэманстраваць Захаду гатоўнасьць да пэўных саступак. ЗША і Польшча могуць вырашаць свае замежнапалітычныя задачы. Хто выйграе ў выніку, стане вядома празь нейкі час», — піша Валер Карбалевіч.