Пасьля прысуду Канстанціна Залатых трымалі ў Наваполацкай калёніі, якая месьціцца ў прамзоне, вядомай самым забруджаным паветрам у краіне.
«Агулам 65 содняў мяне трымалі ў ШЫЗА, наўмысна падвяргаючы катаваньням холадам. Падчас зьняволеньня было практычна немагчыма атрымаць прафэсійную медыцынскую дапамогу», — гаворыцца ў звароце Канстанціна Залатых.
Цяпер у яго амаль не засталося грошай на штодзённыя патрэбы, а працаваць праз шпіталізацыі ён ня можа. На BySol адкрылі збор, каб падтрымаць былога палівязьня і ягоную сям’ю.