سندن سورا غم ، کؤلگه سالیب‌دیر بوجاغیمدا
نیسگیل ، گول آچیب‌دیر، قارا گئیمیش بوداغیمدا
سن‌لن تؤکولوب گئتدی ، قوتاز باغلادیغیم تئل
حسرت دارانیر ، تکجه بو گونلر داراغیمدا
یئر یوخدو سئوینجین اوشاغی اوینایا بوردا
غم ، خیمه سالیب قالماغا ، چوخدان قوجاغیمدا
قیپ - قیرمیزی گول تک یاناغیم ، ساپ - ساری ، سولموش
گَل ، آیریلیغین نامه‌سی‌نی ، گؤر یاناغیمدا
سنسیز ، نه آلوولار ، نه سؤنَر، عومرون اوجاغی
گؤزلر توتولار، توستو بئجردن اوجاغیمدا
آغ گون‌لریمین ال‌لری ، سنسیز یاسا باتدی
کؤلگمده دولانمیر داها ، سن سیز اوتاغیمدا
«رامین» یاشایان آدرسی ، هام‌میز ، اونوتوبسوز
بیر تک ، اؤلومون ایزلری قالمیش سوراغیمدا
#رامین_بخشی
#غزل #شعر_ترکی #ترانه‌سرا #غم #ماهنی
@raminbakhshy
سندن سورا غم ، کؤلگه سالیب‌دیر بوجاغیمدا
رامین بخشی
@raminbakhshy✍️ ترانه‌سرا (ترکی و فارسی) 🦜🦜با سابقه همکاری با یکصد خواننده 🎧 پخش آهنگ‌های اجرا شده با اشعار من. 🤝 برای همکاری حرفه‌ای پیام دهید: @ramin_bakhshi اینستا : ramin_bakhshy
247 subscribers
Open in Telegram 1 photo is attached to this post — visible in the Telegram app.