رحنتلیک اوستاد آیریلمازا آللاه رحمت ائله‌سین . بیر نئچه ایل بوندان قاباق شاعر آتامین یولداشی ، اوستاد عاشیق نباتی دونیادن گئدنده بونو یازمیشدیم❄️❄️❄️نباتی❄️❄️❄️
ائلدار ائلین آتماز؛ ائلینی آتما نباتی
دور کؤکله سازی ، ائل کئفینی قاتما نباتی
گؤردون کی یاراشمیر سنه سس‌سیز بئله یاتماق ؟
گل توی‌لاری ؛ سازسیز یاسا اوخشاتما نباتی
قوینوندا سنین ساز گرک اولسون نه کی توپراق
توپراقلاری قوینوندا سیخیب یاتما نباتی
ایل لر بؤیو گولدوردون ائلی توی هاواسینان
غربت هاواسینان ائلی آغلاتما
نباتی
سن سیز گؤزو یول لاردا قالانلار سایی چوخدو
گل قان بویاغین گؤزیاشینا قاتما نباتی
توپراقدا بیزیم گنجه سایاق چوخلاریمیز وار
سن گنچ چاغی گنجه سایاق باتما نباتی
« رامین» آزالیر شاعیر آتان دوستلاری بیر - بیر
چون یؤخدو بابان ؛ سسله ائلی آتما نباتی
#رامین_بخشی